Candela feroz a destrui negoshi Baby Back Grill na final di Caya Grandi

ORANJESTAD (AAN):  Diasabra mainta, un alerta a drenta relaciona c'un candela di gran magnitud na final di Caya Grandi.

Den un reaccion inmediato, tanto Cuerpo di Polis como e Bombero a dirigi nan mes na e luga di suceso.

            Na yegada di polis, a constata cu e restaurant local conoci como 'Baby Back Grill' tabata na candela. Sin duda, e situacion tabata basta peligroso, resultando den e accion inmediato pa cera e area pa proteha e bisindario for di e potencial peliger cu e candela por a causa na e otro negoshinan.

            Brandweer a responde hopi lihe, y na nan yegada nan a cuminsa combati e candela c'un esfuerso conhunto. A logra controla y extingui e candela efectivamente. Danki na e esfuerso y prontitud di e autoridadnan, no a registra ningun victima durante e incidente.

            E investigacion a cuminsa pa determina e causa di e candela.