Barco Valiant Lady di Virgin Voyages cu mensahe ilumina

ORANJESTAD (AAN) Tabata bunita pa mira con un vision ta bira realidad.

 Ministro Dangui Oduber a splica recien, con ya caba pa algun tempo ministerio di turismo y Aruba Porta Authority ta negociando pa asina por ricibi Virgin Voyages na Aruba. E ta un liña di crucero relativamente nobo cu ta pa adulto so.

   Nan barconan ta hopi moderno. E barconan ta uza LNG gas y tin capacidad pa 2.700 pasahero.

Virgin Voyages a keda hopi impresiona cu Aruba y pa e aña aki nan tin Aruba riba nan itinerario pa varios 'calls' mas.

   Aña 2024 ta mustra di ta un aña hopi prometedor pa Aruba cu varios liña crucero nobo haciendo nan 'first calls'.  Como un toke special, usando luznan special instala bao cada balcon di e barco, den oranan di anochi, Valiant Lady a ilumina su barco cu nomber di Aruba.