Minister Dangui Oduber a reuni cu Minister di Asuntonan Exterior di Surinam

ORANJESTAD (AAN): Recientemente Minister di Turismo Dangui Oduber a reuni cu Minister Ramdin di asuntonan exterior na Surinam,

Sr. Tewarie di TMS Global, Sr. Gonesh CEO Surinam Airways y tambe cu Sra. Zuiverloon Consul Generaal di Surinam cu ta residencia na Corsou. Un reunion unda a elabora ariba diferente topico manera; colaboracion entre Surinam y Aruba, mehoracion di relacion, posibilidadnan di intercambio pa turismo, intercambio di personal pa cuido medico y posibilidadnan pa mas rutanan di vuelo di Surinams Airways pa Aruba.

   Minister Dangui Oduber ta expresa cu reunionnan asina ta importante pa sigui conoce di cerca e mercadonan di nos islanan den Caribe pa asina por explora posibilidadnan y oportunidadnan cu paisnan manera Surinam por ofrece.  Minister Dangui Oduber ta expresa su gratitud pe bishita y ta spera cu pronto lo por colabora y intercambia den diferente area manera salud publico pero tambe cu turismo.