Asina e construccion di Secrets Hotel na Baby Beach ta bayendo te aworaki

ORANJESTAD (AAN):  E construccion di e Hotel Secrets na Baby Beach parce ta tumando lugar y riba potret por haya un idea riba e progreso di e desaroyo aki.

E intencion tabata pa e hotel aki por a keda cla na 2021, pero Covid a stroba e avancenan di e construccion. Sinembargo, awor por mira con e skelet di e hotel, cual lo tin 600 camber,  ta cuminsa bira visibel.

Esaki lo ta un hotel 'All Inclusive',  5 strea pa adultonan so y ta wordo realisa bao di  Aruba Martinon Group and AM resorts.

Tur cos ta mustra cu e hotel lo keda cla na 2023.