Scol di musica Rufo Wever 2021 cu nan exitoso Concierto di Pasco

ORANJESTAD (AAN): E conocido Addonsito Croes, a indica na DIARIO cu e ta contento cu un biaha mas el a fungi como e maestro di ceremonia pa e concierto di Pasco 2021 di scol di musica Rufo Wever.

   E concierto tabata titula “Concierto di Pasco 2021”.  Alumnonan di e maestronan Rob Rijnbout, Kyle Winklaar, Jaderick Croes, Ryan Maduro, Daniel Werleman, Catherine Provence, Carlos Bislip, Franklin Granadillo, Richard Holmond, Serghio Jansen, Tico Kelly, Derrick Lopez y Hester Matthijsse, a sa di brinda miho di nan talento. Danki un biaha mas director Chucho Hoek y Gina Werleman pa e invitacion.

   Mas cu 200 alumno a subi escenario e aña aki acompaña pa nan maestronan riba diferente instrumento. Cancionnan di pasco manera Jingle Bell Rock, a foggy day, the christmas song, drummer boy, niño lindo, kloknan di pasco y mas a ser presenta riba e dos dianan di concierto.

   Cu e articulo aki mi ta desea di felicita e tremendo scol musical aki cu cada aña ta presenta un nivel halto di musica dilanti di nan publico. Cu cada alumno, maestro y personal di scol di musica Rufo Wever tin un bon comienso di aña 2022.