ORANJESTAD (AAN): Prome Minister Evelyn Wever-Croes a remarca cu na Aruba ainda no ta exigi vacuna contra Covid-19 como un rekerimento.
Ta urgi si pa tur hende vacuna, a enfatisa.
Te ainda por mira cu por yega na cierto suavizacion si un hende ta completamente vacuna. Esey den futuro lo bira completamente cu e 'booster short' tambe, a splica.
E mandatario a laga sa cu na Aruba ainda no ta uzando e asina yama 'QR Code' y no ta exigi vacunacion pa entrada na Aruba ni tampoco ora di drenta e establecimentonan.
"Mi no ta weita cu nos ta bay cambia esey pa aworaki tampoco. E no ta bay bira un rekerimento", Wever-Croes a duna di conoce durante e conferencia di prensa di Crisis Team y Gobierno.
