Sharine Croes-Dubero:
ORANJESTAD (AAN)-- Señora Sharine Croes-Dubero, di Seccion Aruba Lening, den entrevista cu DIARIO, a duna di conoce cu su seccion a realiza un tayer pa mayornan y nan yiunan, cu ta bay sigui estudio na Hulanda, pa motibo cu nan no kier laga nan los pasobra nan ta bay wanta nan diferente. E funcionario ta expresa den su mensahe pa mayornan:
“Tin confianza, bo conoce bo yiu, tin confianza cu e por pasobra el a yega asina leu caba, pues e tin capacidad, keda semper take care di dje, ta presente, no duda di su capacidadnan, stimul’e, scuche e mester di bo. Si pa un rato cosnan no bay manera mester ta, esey no ta prome ni ultimo, pero ta pa nan presente. Esaki ta hopi importante.
“Si na dado momento e no ta bay, esey por pasa. Pero nos ta spera cu tur cos bay bon pero cu semper mayornan keda presente, t’ey pa nan yiu”, Sharine Croes a reitera.
Tur informacion concerni ta riba e rednan social conoci, y na e website di Aruba Lening nan ta pone hopi informacion, y si nan desea mas informacion por tuma contacto via nan Whatsapp 594-4140, Sharine Croes-Dubero a duna di conoce.
