Aruba Marriott a organiza ‘crazy bowling’ pa su empleadonan

ORANJESTAD (AAN): Durante e asina yama ‘Siman di Aprecio pa Empleado”, Aruba Marriott Resort & Stellaris Casino a organiza un anochi ameno na Eagle Bowling.

   Reuella Reeberg, Director of Human Resources Operations, a comenta cu bowling ta keda un di e actividadnan preferi di e empleadonan. Durante e actividadnan aki nan ta bin hunto pa pasa un anochi placentero.

   E no tabata djis un simpel wega di bowling, sino un “crazy bowling”, e empleadonan mester a hunga bowling di diferente manera. Algun di nan mester a draai ronchi, pasa e bala bao nan pia y mas. Tabatin un DJ pa pone bon ambiente. Apart di bowling, e empleadonan a haya co’i come y co’i bebe.

   Reeberg a gradici tur e empleadonan pa e trabao y esfuerso di henter aña largo. Associate Appreciation Week ta un manera pa demostra aprecio y duna danki na empleadonan.