Dia di comunidad Portugues rond mundo
ORANJESTAD (AAN): Awe Dialuna10 di juni, comunidad Portugues na Aruba ta celebrando 59 aña di existencia na Aruba.
E gran celebracion aki cu ya ta un costumber di tur aña na Aruba, esta Dia Nacional di Portugal, Dia di Luis Vas de Camoes y dia di comunidad Portugues rond mundo, lo worde celebra riba dos fecha e aña aki. E celebracion aki a cuminsa na aña 1965 unda sr. Aventura Quimarais a tuma e iniciativa pa e tempo ey celebra dia di Portugal conhuntamente cu un grupo di portuguesnan na Aruba. Sr Aventura a nace na Portugal riba dia 9 di maart 1927 y cu su 36 aña el a imigra pa Aruba. Aventura su ofishi tabata welderdo, pero e no tabata un welderdo comun y coriente, e tabata un artista. E tabata miho conoci pa e homber cu tabata biba dilanti di NV Elmar riba Wilhelminastraat. E celebracion a inicia cu un marcha saliendo for di su cas riba Wilhelminastraat pa Wilhelmina Park.
E grupo di Portguesnan aki den un forma hopi emocional a bini hunto p’asina gradici Aruba pa e bon aceptacion di e Portuguesnan na Aruba. Aventura Quimarais a fayece riba dia 17 di november 1993, pero te ainda riba e dia aki comunidad Portugues ta record’e.
Portuguesnan ta conoci di ta hende cu ta traha duro y lucha te na final. Nan a contribui na economia di Aruba den añanan 65, 70 y 80. Tambe nan tabata haci trabaonan duro y pisa.
Portugues tabata busca un futuro pa nan famia y no ta importa e trabao. Pa nan tabata mas importante e dignidad pa tin un trabao y cu un dia nan lo logra.
Pa algun di nan, esaki tabata un cos no mucho bon pa haci, pero a sali fo’i nan pais pa traha y gana algo pa bay cas back cune, y no pa keda semper. Esaki tabata e deseo di mayoria di nan. Pero na caminda cosnan a cambia.
Asina a sosode cu Portuguesnan poco poco tambe a cuminsa integra den e sociedad di Aruba na unda nan a eherce diferente funcion den comunidad, educa nan famia y ainda nan ta aki y dera na e dushi isla aki Aruba.
Nan exito ta sin duda su capacidad di adapta den diferente ambiente mientras cu al mismo tempo mantene bibo y practica e balornan di su origennan. Y p’esey nos ta aki pa gradici Aruba pa acepta nos como parti di nan. Nos ta sinti nos mes hopi orguyoso di forma parti di e isla aki y ainda nos ta parti di e desaroyo di Aruba.
Celebracion awe: Awe cu ta dia Nacional di Portugal Dialuna 10 di Juni 2024, lo tin un Santo Sacricifio di Misa na Misa di Fatima na Dakota.
Portugues nan ta conoci pa ta personan religioso, cu un gran de voto na Virgen di Fatima, pe es motibo ta celebrando un Santo Sacrificio di Misa na Misa di Dakota cumisando pa 7or di anochi
Invitation especial pa henter comunidad Portugues pa bin celebra nan Dia.
Fiesta di Diasabra: Pero e celebracion pa dia Nacional di Portugal lo ta Diasabra 15 di Juni 2024 Fiesta Cultural. Cumisando pa 7 or anochi celebracion Cultural na club primavera, invitacion pa Aruba y comunidad Portugues bin celebra Dia di Portugal.
Programa pa e gran celebracion ta como lo siguiente, lo cuminsa gastronomia Portugues, cuminda tipico Portugues, lo tin oportunidad pa come dushi platonan manera “Bacalhau a Portuguesa” “Caldo Verde” y famoso Espetada com Bolo do Caco. Tambe e parti di cos dushi lo t’ey presente, y hopi mas.
Pa 8:00 pm lo cuminsa e Show Cultural Portugues cu Poesia, Baile Folklorico y Canto Portugues. Conjunto cu Banda Musical Primavera.
Directiva FSCP ta haci un invitacion general na henter pueblo di Aruba y Portuguesnan residencia aki na Aruba pa bin y celebra Dia di Portugal na Aruba dianan 10 y 15 di juni
Nos kier a gradici tur esnan cu di un of otro forma a yuda Club Primavera.
