"Apesar cu e parlamentarionan ta di diferente partido mester traha hunto pa Aruba"

ORANJESTAD (AAN): Marco Berlis ta un di e 8 parlamentarionan cu a huramenta na Cas di Gobernador Diabierna.

E parlamentario di e fraccion geel a bisa cu e huramentacion tabata un experiencia tremendo.

“Como parlamentario nobo mi ta sinti cu e ta un privilegio di forma parti di parlamento di Aruba”.

Mi tin tur intencion pa traha duro y cu un vision y curazon grandi pa impulsa Aruba pa dilanti.

Nos tin hopi cambio y cosnan bon cu nos kier implementa y mi tin tur intencion pa derama mi curazon y e intencion cu nos tin, pa asina Aruba por bay dilanti, segun Berlis, kende a indica cu mester bin cambionan den Staten pa traha mas hunto.

El a splica cu apesar cu e parlamentarionan ta di diferente partido, mester traha hunto pa Aruba.

E deseo di Berlis pa drenta Parlamento tabata uno di mas cu 10 aña y awor e ta contento cu el a logra.

E parlamentario nobo su deseo ta pa enfoca sigur riba e area social y di husticia.