Actriz di Chile keto bay enamora di e homber cu el a conoce na Aruba

ORANJESTAD (AAN): E siman aki, prensa na Chile a publica un relato unda nan ta mustra cu e conocido actriz di e pais, esta Solange Lackington,

keto bay ta completamente enamora di su pareha, y a hasta comparti un mensahe romantico riba social media, unda bo ta mire cu e pareha.

   Di e forma aki, e actriz ta celebra su amor cu un post riba social media hunto cu su pareha Hulandes, kende el a conoce durante vakantie.

   Mey-mey di e pandemia aki, e actriz Solange Lackington a share e mensahe romantico aki. 

   “La complicidad en la adultez es lo maximo... Te amo”.   Esey ta loke el a skirbi ora di pone un potret riba Instagram riba cual e ta aparece braza cu Mark, su pareha di nacionalidad Hulandes cu ta biba awor cu e dama, despues cu tur dos a conecta cu otro durante vakantie na Aruba durante Februari 2019.

   E publicacion aki riba Instagram door di Solange Lackington a crea un ola di elogio di esnan cu ta sigui’e riba social media.  Por ehemplo Camila Hirane, kende ta colega di e artista den e drama ‘Verdades Ocultas’, tabatin palabranan bunita pa su compañera.  “Me muero lo minos. Mejor pareha o mejor pareha”, e hoben a expresa y esey a genera un comentario mas di un hende cu ta bisa Camila cu e merece uno mescos.