ORANJESTAD (AAN): Diaranson mainta, na e area di Boca Catalina, unda tabata hopi hende di turistanan,
un dama turista a bira malo riba un catamaran poco pafo di costa.
Segun por a compronde, ta trata di un señora turista cu tabata disfrutando di su vakantie, pero pa motibo aun desconoci, el a sinti malo despues di subi bek riba e catamaran.
Di inmediato, esnan presente a cuminsa cu reanimacion y na mesun momento a manda un señal di emergencia. Polis y tres unidad di ambulance a yega lihe na e sitio, incluyendo e Rapid Responder di ImSan.
E paramediconan a tuma over e situacion y despues di algun rato a transporta e señora na hospital. Polis tambe a acompaña algun otro turista na hospital.
Lamentablemente, na hospital no tabatin hopi otro cu por haci pa e dama. Segun informacion oficial, e señora a sufri un ataca di curason. Tin informacion cu ta trata di un turista di crucero.
