Women’s Club of Aruba ta presenta e miho graduadonan pa 2021-2022

ORANJESTAD (AAN): Women’s Club of Aruba (WCA) ta honra e miho graduadonan di tur tipo di scol secundario pa hopi aña caba durante luna di juli.

E aña aki, e ceremonia a tuma luga12 di juli ultimo na Boulevard Events Aruba, cu presencia di su excelencia gobernador Alfonso Boekhoudt, acompaña pa su yiu muhe Melissa Boekhoudt, Minister di Educacion y Deporte Sr. Endy Croes y distinguida esposa y Sr. Armin Solognier, Senior Business Developer di Caribbean Mercantile Bank (CMB), cu ta e sponsor principal di e evento aki.

E miho graduadonan di Aruba a ser invita pa un anochi special pa ricibi un reconocimento pa ta e miho di nan tipo di scol. Sra. Norma Brinkenberg, presidente di WCA, hunto cu Sr. Armin Solognier di CMB, tabata esnan encarga pa haci entrega di e plakaat, regalo- y premionan.

Esnan cu a ricibi honor tabata: MAVO 7 vak empate entre Sherlly Huang (Mon Plaisir College) y Sheri Godet (Juliana School); MAVO 6 vak: Ethiën Maduro (La Salle College),

Avond MAVO 7 vak: Millie Rodriguez y 6 vak: Johan Dorcas.

Pa VWO ta Charissa Laing, HAVO ta Leanne Figuereo Rodriguez y Avond HAVO ta Juan Dominico Gomes. Pa IBERO American High School ta Madeleine Thijsen y pa ISA ta Stefania Ciccarelli Abrusci.

Pa Colegio EPI Unit Ciencia y Tecnologia (Bouwkunde): D’quan Ruiz,  Unit Economia (Financiële Administratie): Frangelith Urbina Gomez, Unit Hospitalidad y Turismo: Andrea Loefstop (AS) y Caithlin Figaroa (AAS), Unit Salubridad y Servicio (Verpleegkunde): Dyami Bernabela.

Pa EPB: Niveau Doorstroom empate entre Roodnie Bernier (O’stad) y Brandy Figaroa (San Nicolas), Niveau Uitstroom: Mayron Veeris (O’stad), Niveau Arbeidsmarkt : Nathan Figaroa (San Nicolas).

Pa SPO empate entre Rendrick Wernet (Pariba) y Ayla Valdez (Sta Cruz).

E invitado special y alabes orador inpiracional p’e anochi aki tabata Ing. Edwin Jacobs, actual director di SVb y AZV. El a duna testimonio di su experiencianan y un mensahe positivo na nos miho graduadonan. Den pasado, e mes a ricibi reconocimento di WCA como miho graduado no 1 sino 2 biaha. Na 1985 el a ricibi pa MAVO y na 1988 pa MTS. Asina a pasa cu el a acepta diferente reto den su carera.

Un danki di curason ta bay na directiva di tur scol secundario pa a facilita cu tur informacion necesario y tur mayor y of familiar pa a apoya nan yiu.  Tambe WCA ta gradici tur  comerciante y of  instancia, cu a coopera pa haci e evento aki posibel y pa duna cada graduado un regalo hunto cu su award.

Tambe WCA ta gradici tur miembro cu a yuda, principalmente e comision di Student Awards consistiendo di Greta Williams, Emperatriz Perdomo, Saida Aguilar, Bernadette Schouten, Rita Grant, Astrid Berlinsky, Jeannette Kort, Mary Droogh, Angèle Geerman, Dulcie Goedgedrag, Ursly Silberie (MC), Marjorie Dijkhoff, Marva Solagnier y Milagros Posner. E miembronan aki a duna tur di nan parti, pa a haci e evento aki bira asina special pa nos graduadonan.

Por ultimo, WCA ta felicita nos miho graduadonan, kendenan a completa nan estudio cu excelencia durante aña escolar 2021-2022! 

Fotonan pa cortesia di Emperatriz Perdomo