Un total di 744 mucha ta participa den WE Aruba

Edgar Erasmus di IBISA:

ORANJESTAD (AAN): IBiSA dialuna mainta, a anuncia cu e gran Weganan Escolar Aruba (WE Aruba) a cuminsa ayera, 13 di april y lo bay te cu dia 24 di april. E slogan di e weganan escolar e aña aki ta ‘Hunto nos ta gana’.

   Hoofd di Sport Edgar Erasmus di IBiSA a anuncia cu un total di 744 mucha lo participa na e gran final di e evento di deporte escolar aki pa aña escolar 2025-2026. Entre otro tin muchanan di kleuteronderwijs (12 scol), basisonderwijs (19 scol) y voortgezet onderwijs (11 scol) cu lo midi forsa y competi cu otro durante dos siman.

   Señor Erasmus a expresa cu pa IBiSA ta un orguyo grandi pa un biaha mas organisa e gran evento aki. E final lo tuma luga dia 24 di april na unda cu tur e muchanan cu ta participando, lo ricibi premio di IBiSA pa nan participacion y dedicacion na WE Aruba. E entregamento di premio lo tuma luga den e parkinglot di IBiSA.

   El a remarca cu lo tin premio cash, medaya y premio MPV. Na final lo sigui celebra hunto cu e deportistanan escolar unda lo tin Dj pa anima y snacks pa tur presente.