KRALENDIJK: Tabata Diahuebs atardi hopi laat, cu yamadanan urgente a drenta na autoridad, cu riba lama di e isla di Bonaire,
un boto a kapseis. Debi cu e boto ta fabrica di cierto material, esaki no a sink y a djis keda drief.
Mesora a pone unidad di Wardacosta di Caribe Hulandes staciona na Bonaire na altura, y nan a mobiliza cu un speedboat pa eynan.
Nan a bin haya un Boto di Tour hopi cerca di e boto chikito cu a kapseis. E capitan di e boto chikito, a puntra esnan di Wardacosta di Caribe Hulandes, si nan por yude lastra su boto rumbo pa Noordpier.
Oficialnan di Wardacosta a mara un cabuya na esaki, y a lastra e boto hibe na Pier, pa asina e doño por recuper’e na un forma safe. Ningun hende a resulta herida den e proceso aki. Oficialmente no a duna informacion pakico e boto a kapseis tampoco.
