MAIQUETIA: Na Aeropuerto Internacional di Maiquetia na Venezuela, un hoben venezolano cu tabata prepara pa subi vuelo di e aerolinea Plus Ultra rumbo pa Madrid (Spaña),
a wordo deteni y despues a descubri cu e tin 93 bolita di cocaina den su stoma scondi.
E droga a pisa un total di 1.214 gram.
E oficialnan di Guardia Nacional Bolivariano a ripara cu e pasahero tabata actua hopi sospechoso y nervioso, y pesey a dicidi na check su maleta y tambe papia cune. Nan a ripara cu el a bira aun mas nervioso. Durante un interogacion mas extenso, na final el a basha abao y confirma cu e tin 93 bolita di cocaina den su stoma.
Cu e 1,2 kilo di cocaina aki, nan a detene e pasahero Samuel David Herrera Pereira di 38 aña di edad. El a wordo pasa na autoridadnan den casonan Anti-Droga.
