Titulo di Miss Teen Aruba Glorious 2022 a bay pa Tychessa Melo

ORANJESTAD (AAN): Diadomingo anochi den Cas di Cultura, e organizacion GLW Foundation a tene e certamen di Miss Teen Aruba International, cu e biaha aki a wordo haci cu dos categoria.

   Den categoria di Miss Teen Aruba Glorious 2022, e ganadora maximo a bira Tychessa Melo representando e salon Mirrors.  El a briya riba escenario cu un trahe di gala color cora, y cu e sonrisa visible cada rato riba su cara.  Pesey el a haya e titulo di Miss Best Smile tambe.

   Fuera di esey, Tychessa a bay cu premio di Best Gala Dress, Miss Popular, Miss Teen Cultura, Miss Fotogenica, Miss Amistad, y Best Make-Up.  El a wordo corona pa Ashantee Martus.

   E finalistanan a resulta Zyrley Chaljub kende ademas a bay cu premio di Miss Teen Actitud, Miss Teen Setar, y Teen Spirit.

   Otro finalista ta Angelina Urrutia, kende alavez a bay cu premio di Teen Best Hair, Teen Besk Skin, y Teen Best Hairdo.

   E organizador George Winterdaal a splica cu nan ta miembro di suficiente franchise di certamen, cu tur candidata di e anochi ey lo bay haya un lugar pa nan viaha pa bay representa Aruba den exterior.