ORANJESTAD (AAN): Diahuebs anochi pa 10:30 pm, un temblor a wordo registra hopi cerca di costa di Aruba,
specificamente zuid di e isla. E epicentro tabata bao lama. No a ricibi ningun informacion di hendenan cu a sinti esaki.
E epicentro a wordo localiza na 12.34º Nort, y 69.99º West. Esaki ta apenas 12 km Zuid-Zuidwest di Zeerovers na Savaneta. E ta igual cu 13 km Zuidwest di Zeewijk na San Nicolas. E ta igual cu 14 km West-Zuidwest di Rodgers Beach na San Nicolas. E ta tambe apenas 20 km Zuid-Zuidoost di Wilhelmina Park na Oranjestad.
Segun Servicio Geologico Colombiano, e temblor aki tabatin un magnitud di 3.5º riba Scala di Richter. Sinembargo e epicentro tabata basta hundo, esta 164 km bao di subsuelo di lama. Esaki ta e motibo pakico casi no por a sinti e temblor aki.
