Fundacion Luna:
ORANJESTAD (AAN): Segun Zoraida Conijn di Fundacion Luna nan ta puntrando pa sinta cu Gabinete AVP-Futuro, pero ainda ta wardando. El a indica cu tur fundacion cu tin na Aruba y cu ta traha pa proteccion di bestia ta riba e mesun liña. Tur ta kere cu opera y cu e sterilisacion ta e solucion. E ta parti di dje.
El a bisa cu e boetmento y educacion ta importante pasobra e mentalidad di e comunidad mester cambia. “Algo tin cu cambia den e manera con nos hendenan ta pensa’, Conijn a expresa.
Banda di esaki e siguimento mester t’ey. No djis parti boet y cu esaki ta finalisa den un lachi pasobra no tin tempo. E ora mester pone un ‘taskforce’ pa atende cu esaki, el a bisa,
Asina cu hende wak cu ta partiendo boet y cu tin accion, e ora nan ta pensa dos biaha. Antes nan no tabata kier aparece den prensa. Awor nan ta sali den prensa y no ta worry, Zoraida a indica.
Fundacion Luna ta e fundacion mas jong, pero cu mas bestia. No ta cacho so nan tin. Tin pushi, tin cabrito, porco. Nan ta rescata tur bestia. P’esey mester tin un tiki pasenshi ora di manda mensahe, el a remarca. Si ta un caso urgente por yama veterinaria y despues por haya e fundacion pa wak kico mas por haci.
