Eindhoven a ricibi studiantenan Caribense

ORANJESTAD (AAN): Informacion for di Den Haag ta indica cu municipio di Eindhoven tambe a

habri su portanan pa ricibi e grupo di studiantenan Caribense cu e aña aki a bin Eindhoven pa sigui un estudio na Fontys Hogeschool. Mescos cu e caso na Tilburg aki nan tambe tabata presente director di Gabinete di Aruba Joselin Croes LL.M/M.Sc, studiementor pa e region di Brabant Rasnaly Carti y representantenan di Fontys Hogeschool.

   Den Stadhuis e grupo a keda ricibi pa wethouder Samir Toub cu tin den su cartera entre otro diversidad, cuido y hubentud.

   Durante su encuentro wethouder Toub a tene un intercambio hopi informal y habri cu e studiantenan unda el a encurasha nan pa sigui nan caminda den nan studio, reconoce di unda bo ta bin y tene cuenta cu studia ta duro, pero logra caba bo estudio cu exito ta brinda asina hopi oportunidad riba un bon trabao.

   E potretnan ta cortesia di Gabinete di Aruba na Hulanda.