ORANJESTAD (AAN): Stichting Ambiente Feliz ta organisando un 'Christmas Food Drive Event' dia 3 di December proximo.
Fundacion Ambiente Feliz ta ofrece 'opvang' na clientenan cu tin un limitacion mental of multiple. Nan ta biba na e fundacion. Na Cas Briyante tin e 'doelgroep' cu ta e personanan cu nan cuido ta un tiki mas intensivo y nan ta depende den tur aspecto di nan bida di e cuido.
Tin e localidad na Santa Cruz, Cas Curazon, cu tambe tin personanan cu limitacion y nan tambe ta biba eyden. Pero e clientenan aki ta funciona no riba un nivel intelectual mas halto, pero nan por desplasa nan mes y tin toch cierto habilidadnan ainda manera laba tayo, yuda dobla paña, cosnan simpel.
E focus na Cas Curason ta mas riba e guia. Ta existi desde aña 1986.
Actualmente Fundacion Ambiente Feliz tin 24 cliente reparti den dos localidad. Na Santa Cruz tin 17 cliente y na Cas Curason, cual ta un proyecto basta nobo (2021) tin un total di 7 cliente.
Dia 3 di December ta un fecha special ya cu tur aña como fundacion ya cu ta un dia cu tin di haber cu nan grupo di atencion, personanan cu limitacion. Como fundacion nan ta sinti cu ta importante pa recorda comunidad cu e clientenan tey y alaves haci e evento aki.
E 'Christmas Food Drive Event' lo tuma lugar diasabra 3 di December di 9 am te 3 pm. E adres pa drop-op ta Santa Cruz 75.
