Speedworld cu bo amigo Hubert ‘Furai’ Tiel cu ta deseabo un feliz dia.
Manera por a nota, aki tabatin hopi motorcycle riba caya! Weekend pasa, a tuma luga e di 2ndo Pink Bike Ride. E actividad aki organiza pa Mary Joan Foundation den cooperacion cu e grupo local di Shoco Legends, a atrae hopi mas participante compara cu esun prome.
Stella Vrolijk di Mary Joan Foundation a keda feliz cu e reaccion positivo di e participantenan. Nan ta contento tambe cu Shoco Legends a acerca nan pa organiza e Bike Ride, cu ta sirbi como un evento pa recauda fondo.
Nan a haya 200 participante cu a registra, y e Bike Ride mes a sali for di Urataka, y finaliza na Jungle Vibes.
Riba caya por a mira e participantenan ta core cu nan pañanan color roos y asina a clausura oficialmente e Luna di October cu ta tradicionalmente e luna pa concientiza comunidad pa cu Cancer di pecho.
Speedworld ta gradici tur esnan cu a yuda haci e Pink Bike Ride aki bira fenomenal.
