Secretario di Estado di Asuntonan di Reino a bishita Gobernador di Aruba

ORANJESTAD (AAN): Diamars dia 12 di augustus ultimo e Secretario di Estado di Asuntonan di Reino, señor Eddie van Marum,

a bishita Gobernador di Aruba, Su Excelencia Alfonso Boekhoudt pa un audiencia. Secretario di Estado demisionario Van Marum lo ta haciendo un bishita di introduccion na tur e paisnan Caribense di Reino di 10 pa 15 di augustus.

Durante e audiencia na Cas Ceremonial, e combersacion a inclui e Ley di Reino riba Finansa Publico Sostenibel, e estado actual di implementacion di e medidanan for di e “Landspakketten”, y e rapport di conseho di Conseho di Estado di Reino, titula “70 Aña di e Statuto pa Reino.”

Sr. Van Marum a wordo acompaña durante e bishita aki pa Sr. Roald Lapperre, Director-General di Relacionnan den Reino, Sr. Gerbert Kunst, Representante di Hulanda na Aruba, Curaçao y Sint Maarten, Sr. Vincent Storimans, Representante Suplente di Hulanda na Aruba, y Sra. Tjitske de Groot, Asistente Politico di e Secretario di Estado. 

Potretnan: © Kabinet Gouverneur Aruba