Te proximo aviso: --- ORANJESTAD (AAN): Dialuna scol a cuminsa bek despues di e reces di fin di aña y cu pa motibo di e aumento di casonan di Covid-19 na Aruba, mester a wordo posponi pa algun dia.
Crisis Team y Gobierno a anuncia cu nan a evalua e data ricibi di directivanan di scol y e data ta indica cu apesar cu tabata tin algun maestro y docente den cuarentena y isolacion tabata necesario y importante pa scolnan por a habri dialuna.
Mientrastanto e cambionan den protocol a wordo manda pa scolnan y e scolnan mester ehecuta esakinan.
Directiva di scolnan y CrisisTeam lo sigui monitorea e desaroyo di cerca pa evalua si ta necesario tuma mas medida. Esey ta e situacion te cu aworaki.
Na otro banda por a mira cu sinembargo, otro scolnan mas avanza manera Colegio EPI a dicidi di inicia, pero cu lesnan 100% online te cu proximo aviso. Parce cu tin un porcentahe di e studiantenan cu of tin Covid of ta den cuarentena.
Pesey lo a opta pa sigui cu e lesnan, pero di manera virtual.
Pa loke ta Universidad di Aruba, por ehempel, ta dunando lesnan presencia, pero tambe tin otronan cu ta hayando lesnan online pa motibo di e casonan di Covid-19.
