Scolnan di Paradera a goza di nan Jump-up atardi y cu a finaliza te anochi

ORANJESTAD (AAN): Diahuebs atardi, alumnonan cu ambiente di e.o. Maria Goretti College, Colegio Pastoor Kranwinkel,

y Ayo Kleuterschool a uni pa un parada di Carnaval cu tabata basta bon anima.

   Cu musica di D’Nova cu tur nan cantantenan cu a participa den Soca Monarch, e parada a start banda di Colegio Pastoor Kranwinkel cu a pasa den area rond di Paradera, pasa riba caminda grandi unda anochi a cay, y finalmente a termina bek na scol.

   Maria Goretti College cu Ayo Kleuterschool a participa cu e tema di Construyendo Futuro, y e muchanan a bin cu nan trahe di trahador cu nan safety vest bisti, y tabata cana rond cu nan hardhat riba cabez ta jump sin stop.

   Colegio Pastoor Kranwinkel a subi caya cu e tema di Circo, y aki cada hoben a bin cu nan fantasia den estilo propio cu yen di color.  Y tabata bunita pa mira con hopi hende a para banda di caminda (principalmente riba caminda grandi) pa mira e Parada pasa.