Scol Caiquetio a celebra Dia Derechonan di Mucha  

ORANJESTAD (AAN): Scol Caiquetio a celebra Dia di Mucha na Renaissance Convencion Center, cu un tremendo evento pa laga nan muchanan sinti extra special.

Segun juffrouw Lisenne Lopez, nan a bati na porta di Renaissance y nan a habri nan curazon pa muchanan di scol Caiquetio, regalando nan un dia super special. E muchanan a disfruta di un dushi cuminda, varios dessert y hasta DJ a entretene nan. 

Despues di un oracion, cada maestro a presenta un derecho di mucha cu nan a scoge, na un forma di storia, poesia y baile.

Scol Caiquetio no por a keda sin gradici famia di Renaissance pa e bunita dia pa e muchanan y a haci un obsekio chikito pa recorda e dia asina special.