'Ride4Kids Challenge 2021' a recauda e bunita suma di 15 mil florin

ORANJESTAD (AAN):  Den fin di siman, Kiwanis Club of Palm Beach a organisa e asina yama Ride4Kids Challenge 2021. Giovanni Bermudez, PR di e organisacion a duna di conoce cu

e proyecto yama asina pasobra algun di 'fellow kiwanis', acompaña pa algun amigo mas, a core 555 kilometer colectivamente pa por recauda fondo.

E fondonan ta bay pa e muchanan, cu door di e pandemia, a haya dificultad pa paga nan schoolgeld. E ora, Kiwanis ta yuda via SKOA paga e schoolgeld pa e muchanan cu e fondo cu ta wordo recauda durante e evento aki, asina Giovanni Bermudez a indica.

Cada un di e 'riders' a wordo challenge door di amigonan, comerciantenan, etc pa core un cierto cantidad di kilometer. Cu esey, Kiwanis ta recauda fondo cual ta bay pa yuda e muchanan.

DIARIO por a tuma nota cu e suma recauda tabata di 15 mil florin. E evento a conta cu e participacion di 12 ciclista.

Na final di e actividad, Anuesca Baley, directora di SKOA a haya un check significativo representando e suma recolecta.