Samuel Sarmiento cu exposicion ‘Chants from overseas’ na biblioteca

ORANJESTAD (AAN): Artista Samuel Sarmiento ta presenta un exposicion special na biblioteca.

Titulo di e exposicion ta: ‘Chants from overseas’ (Poetics and contemporary visions through Ceramic in the Dutch Caribbean) y esaki a habri dia 10 di juli na Biblioteca Nacional Aruba y lo ta habri pa publico pa 3 siman.

            Samuel ta crea diferente tipo di obra manera scultura, obranan di ceramica, dibuho, cuadra y mucho mas.

            Pa mustra su aprecio Samuel a duna biblioteca un di su obranan regalo. Esaki ta bira parti di coleccion di obra di arte na Biblioteca Nacional Aruba como arte publico. Publico ta bon bini pa wak e exposicion cu ta habri te fin di juli durante orario regular di biblioteca.