ABUJA: Un ceremonia di entregamento di premio a tuma lugar na Ayalla Hotels na Abuja (Nigeria), unda a haci entrega di e West African Diaspora Distinguished Leadership Award.
E aña aki tabatin cinco nominado, entre cual Mia Amor Mottley (Prome Ministro di Barbados), y Ronnie Brunswijk (Vice President di Suriname).
E premio di West African Diaspora Distinguished Leadership Award 2021 a wordo otorga finalmente na e Vice-President di Suriname, esta Ronnie Brunswijk.
Cu e premionan aki na Nigeria, tur aña nan ta honra personanan particular di e diaspora, cu tin un balor agrega pa nan pais. Esaki ta socede bao auspicio di Institute of Strategic Customer Service and Trade Management na Nigeria.
Na e ocasion aki, Dr. Tajudeen Obasa, cu ta un di e miembronan hoben mas talentoso di Parlamento di Asamblea Nacional na Nigeria, a subi escenario y a acepta e premio na nomber di Ronnie Brunswijk, kende no por a haci e viahe pa Nigeria. Riba e potret aki por mira momento cu e Parlamentario ta ricibiendo e premio.
