ORANJESTAD (AAN): Relaciona cu e bishita di Premier Mike Eman na Hulanda, a prepara un encuentro di Prome Ministro hunto cu studiantenan Arubiano cu ta interesa pa un encuentro.
Describi como ‘Connect, Collaborate, Create’, e alumnonan a haya deadeline dia 19 di Mei pa registra pa e encuentro aki cu a socede Diaranson anochi di 6:00 pm te cu 8:00 pm na De Haagse Hogeschool na Den Haag.
El a wordo describi ademas di ta un momento bunita pa intercambia di idea, y papia riba e regreso di profesionalnan pa asina bay traha pa Gobierno di Aruba.
Mas di trinta studiante y hoben profesional Arubiano a reuni pa e anochi di dialogo, inspiracion y conexion hunto cu Prome Minister Mike Eman. Durante e encuentro a intercambia idea riba futuro di Aruba, oportunidadnan pa hoben profesionalnan y e importancia di involucra talento Arubiano den desaroyo di nos pais.
E tabata di berdad un anochi yena di energia positivo, pensamiento nobo y compromiso cu Aruba.
https://diario.aw/fr/categories/noticia/general/prome-ministro-a-topa-cu-grupo-di-studiante-na-den-haag#sigProId42179ffc9f
