ORANJESTAD (AAN) – Director di ATHA (Asociacion Trabao di Hubentud Aruba), Cyndi Kelly-Mathilda,
a expresa den conferencia di prensa tocante ATHA su proyecto nobo Gen297, cu den e programa aki ATHA no por laga afo e stimulacion pa trabao boluntario.
“Nos ta traha cu un grupo di hoben cu a participa den diferente programa y cu ta lider. Por ehemplo, di Poder di Hubentud y tambe ‘Pitch Time’ di CEDE Aruba. E hobennan aki, lo yuda durante e programa pa duna sosten como hoben guia. Dus, nan ta di hoben pa hoben, pero tambe nos ta conta cu un grupo di boluntario adulto, cu tambe lo tey pa duna e sosten”, Cyndi a menciona.
Ademas ta conta cu e profesionalnan den e area manera Fran Chesca Heinze cu ta coordina e proyecto, y Timothy Lake cu ta groep begeleider.
