ORANJESTAD (AAN): Un di e weganan mas popular di Lotto, keto bay ta Zodiac. Aki bo ta escoge un number consistiendo di cuatro cifra, y bo ta agrega un signo zodiacal na dje y bo ta cla pa wega.
Esey ta loke Pedro a haci, y el a gana tambe. Pesey mes riba Dialuna el a acudi na oficina di Lotto na Playa pa reclama su premio. Aki mesora a pasa su ticket den e scanner di Lotto, y e computer mesora a confirma cu el a gana 12.500 Florin cu wega di Zodiac.
Mesora a cuminza cu e proceso pa transferi su premio electronicamente pa su cuenta di banco, usando e numbernan di banco cu el a skirbi parti patras di su ticket. Pedro a indica cu e ticket ganador mes el a cumpra na Candy’s Lottery.
