SAN JUAN: E actriz venezolano Alicia Machado, kende a sali Miss Universe 1996, lo bay presenta entrante 9 di April venidero, e monologo “Yo si soy Kbn@”,
den su debut teatral na Puerto Rico, segun e compania productor di e espectaculo a laga sa.
E show mes lo bay ta pa mayornan di 21 aña pariba, y lo bay ta na Centro de Bellas Artes di Caguas, cu ta cerca di San Juan, segun e producer Ricardo Irizarry a bisa.
“Alicia ta priminti un espectaculo yena cu momentonan inolvidable, y e fanatico lo por disfruta di un montahe impresionante dirigi pa e actriz venezolana Elba Escobar, kende e publico puertorriqueño a conoce via di su telenovelanan di decada di 1980,” segun Irizarry a bisa.
Pa su presentacion, Alicia Machado lo wordo acompaña pa un Mariachi, cu ta un genero musical cu e ta gusta desde cu e tin 13 aña di edad.
Tin di corda cu na 2016, Alicia a yega di wordo eligi como Reina del Mariachi na Mexico.
E obra, cu ta original di Enrique Salas, lo no wordo presenta djis na Puerto Rico, sino cu e lo bay tour pa diferente ciudad na Merca y Latino America e aña aki.
