Parlamentario Jennifer Arends-Reyes
ORANJESTAD (AAN): Segun Parlamentario Jennifer Arends-Reyes kende ta alaves presidente actual di comision di Turismo, a haci un peticion na presidente di Parlamento pa manda pidi Minister Cicilia pa bin Parlamento pa un vragenuur.
Ya pa basta tempo tin incertidumbre tocante e tema cu Royal Schiphol Group ta bandona Aruba despues di 20 aña riba nos isla.
Sra Arends-Reyes ta di opinion cu manera cu no ta di acuerdo cu condicionnan of cu yega na un impasse mester purba sali afor na beneficio di nos Pais y purba pa e ta un ‘win-win situation.’ No por ta asina cu ta habri porta y laga un partner strategico coi su maleta y bay siendo cu pa e siguiente 10 añanan sigur tin inversionnan y cambionan grandi mester tuma lugar na nos aeropuerto sin lubida cu mester keda sobresali den Caribe pa competencia no pasa nos voorbij.
Liderazgo ta ora ta tuma decision y keda sin tuma decision hopi biaha no ta conduci na stabilidad. Den bida si bo kier yega leu mester traha hunto a base di cooperacion, vision y confiansa. Aruba ta un isla cu a sa di demostra cu por ta e lider den Caribe den innovacion y desaroyo sostenibel e liderazgo aki pa Aruba nos no por perde.
Ya den e prome dia di gobernacion di gabinete AVP-Futuro por a tuma nota di diferente decision specifico entre otro cu a ser tuma na bienestar di nos pueblo, por ehempel cu tur pensionado apart, lo ricibi un aumento di 250,- riba nan reparatie toeslag na mei y asina tur sector lo haya nan atencion entre otro infrastructura, Enseñansa, Turismo, Labor, social, Salubridad y nos grandinan lo haya atencion. Parlamento lo keda vigila e plan di gobernacion di cerca y lo keda haci uzo di e hermentnan cu Parlamento tin.
