MADRID: Polis na Spaña a logra intercepta un red di narcotraficante, cu tabata transporta droga for di Morocco pa Spaña usando helicopter, prome cu nan a sigui cu e droga aki rumbo pa Francia.
Autoridadnan a logra confisca un total di 2.4 ton di hashish, y 247 liber di marihuana den e accion. Tambe a confisca 3 helicopter, arma, y municion, segun Guardia Civil a bisa den un boletin.
En total a aresta diesun persona, y nuebe otro ta wordo busca pa ser captura na Francia.
Despues di cruza Lama Mediteraneo for di Morocco pa Spaña, cu ta como 9 miya di distancia na su punto mas cercano, e droga tabata wordo scondi den Trucknan y tambe den Bus Turistico, cu plachi falso di number pa e viahe rumbo pa Francia.
Polis ta pensa cu esnan cu ta sali beneficia cu e bendemento di droga, ta laba placa via di companianan. Den e accion aki, Polis Frances y agencia Europol a participa tambe.
