Tabata un diasabra 15 di Maart 1980 cu oficialmente a inaugura e Compania di Bus Arubiano NV.
Un proyecto cu desde 1975 cu Gobierno Insular di e tempo ey ta trata di cristalisa.
Gobierno Insular a laga Ir. Wilfrido Monzon haci un estudio profundo ariba e necesidad di transporte publico.
Tambe Gobierno Insular a laga traha un “ Project Dossier” cu a bin cla na 1978.
Mientrastanto Gobierno a manda Sr. Edison Briezen Hulanda pa preparacion di e proyecto.
Un diputado cu a traha inmensamente pa realisacion di transporte publico tabata Nelson Oduber.
Arubus a cuminsa cu 14 bus y mester a cuminsa traha edificio pa oficina y garage general.
Den e dos fase Arubus lo haya 8 bus y lo cuminsa cu transporte di escolar.
Desde 17 di maart 1980 busnan di Arubus lo core mayoria di districto di Aruba.
Na 1984 Arubus su flota tabata di 27 bus.
Na comienso Arubus su parkeerplaats principal tabata pega cu Toeristenbureau y Warda di Polis di Playa y pariba di Boulevard Shopping Center.
Cu e construccion di Sonesta Hotel( awe Renaissance Hotel) e standplaats di bus a muda pa e patras di edificio di Parlamento, Censo e tempo ey.
Na 1982 a inaugura e edificio, garage actual di Arubus.
E prome director di Arubus tabata Willem Maarse sigui pa Ir. Edison Briezen, Efrain Bremer, Franky Kuiperi, Donald Kock, Ignacio Croes y mas recien Edwin Mohamed.
Durante e añanan di existencia di Arubus, e compania di bus presenta diferente modelo di bus. For modelonan Blue Bird, Volvo, Marco Polo.
Compila pa Roberto Croes
https://diario.aw/fr/categories/noticia/general/na-1980-aruba-a-inaugura-e-compania-di-bus-arubiano-nv#sigProId04af099e90
