Ministro Wever a bishita e Pop-up Market riba Plaza Lolita

ORANJESTAD (AAN): Riba Diasabra a tuma lugar e asina yama ‘The San Nicolas Pop-up Market’.

   Ministro Geoffrey Wever a bishita e prome edicion di e San Nicolas Pop-up Market riba Plaza Lolita den centro di San Nicolas.  Aki el a nota e presencia di 16 pico empresario di Pariba di Brug cu a bay ofrece nan productonan produci localmente na e comunidad y bishitantenan.

   Di e forma ey, e empresarionan local a demotra tur loke e isla di Aruba tin pa ofrece. Ministro a expresa palabra di danki na Aruba pa e apoyo na e iniciativa aki y e ta spera cu comunidad henter por sigui apoya e iniciativa y e empresarionan chikito den e edicionnan cu lo sigui den e lunanan venidero.