Mena di Colegio Arubano ta bay goza di su pensioen

ORANJESTAD (AAN): Recientemente personal di Colegio Arubano den Vondellaan,

a tene un celebracion pa Filomena Winterdaal, mihor conoci como ‘Mena’.  Aunke e tabatin un toke tristo, pasobra e ta bay pero ta feliz cu e ta bay disfruta awor di su pensioen.

   Mena tin 36 aña trahando na Colegio Arubano. E kopieerkamer semper ta yen di personal y docente cu ta pasa saluda y combersa cu Mena.  Esaki ta algo cu tur hende ta di acuerdo cune, como cu Mena semper di su bida a trata tur studiante, docente, y personal cu hopi cariño y respet, semper cu un sonrisa.

   Mena, masha pabien y danki pa tur e añanan cu Mena a dedica na Colegio Arubano. E comunidad di Colegio lo haya Mena su falta sigur, pero ta momento pa Mena tuma un descanso (largo) bon mereci.