ORANJESTAD (AAN): E tabata un dia di suerte pa Madeline. El a bay cumpra su numbernan di Zodiac y a escoge e signo tambe. El a escoge pa hunga e wega di anochi, y a gana tambe!
Pesey riba Diamars hunto cu un persona mas, el a acudi na oficina di Lotto na Playa pa reclama su premio. Na su yegada mesora a check si el a pone su firma na e banda patras di e ticket, y asina a scan e barcode den e computer.
E computer inmediatamente a indica cu Madeline a gana 12.500 Florin. Mesora nan a pidi’e pa su number di banco, pa asina transferi e premio electronicamente pa su cuenta.
Madeline a conta cu e ticket ganador mes el a cumpra na Big Ten 5.
