Lucky Family Store a habri su portanan na Savaneta

ORANJESTAD (AAN): Recientemente Lucky Family Store a caba di habri nan portanan na Savaneta,

y den menos di un ora despues di nan apertura, ya clientenan contento tabata haci nan compras den e tienda.

Lucky Store tin mas di 27 aña na Aruba, y ta un tienda hopi conoci den nos comunidad, pa nan bon prijs y variedad di producto.  

Despues di casi 9 aña, Lucky Store a habri un filial nobo pariba, y nan ta hopi contento di por sirbi comunidad pariba, cu semper mesun bon atencion, prijs y productonan.

 E tienda di Lucky Family Store na Savaneta ta na unda ex Formosa Supermarket tabata situa.  Nan ta habri di 9'or pa 6:30 di atardi di Dialuna pa Diasabra y riba Diadomingo di 10'or pa 2'or. Parkeo ta amplio y conveniente pa clientenan. Actualmente nan tin un surtido grandi di articulonan specialmente pa Pasco,  pero tur siman tin mercancia nobo ta drenta, y nan lo sigui adapta riba necesidad di clientenan di pariba.

Lucky Family Store ta invita comunidad di pariba, pero tambe en general, pa pasa y bin haci nan compras, na prijs di famia y disfruta di un dushi ambiente.  No lubida riba Black Friday, na unda nan lo tin descuentonan grandi pa henter Aruba.