ORANJSATD (AAN): Recientemente Kiwanis Club of San Nicolas a tene su ceremonia di Directiva nobo pa aña 2025-2026
na cas di estatua di Gilbert Senchi di Lolita, localisa dilanti Post Aruba na San Nicolas.
Pa e occasion aki a manda felicita y gradici e Directiva saliente y na mesun momento duna bon bini na e Directiva nobo bou di e tema “Step It Up” – cu ta un yamada pa tuma accion. E ta encurasha tur miembro pa sali di nan zona di comfortabilidad cu proposito y pasion.
E Presidente nobo, cu ta Deborah van den Berg – Alexander, den su speech emotivo a conta con un momento di inspiracion na un di e prome reunionan di Kiwanis 5 aña pasa a encurashe pa tuma e prome paso – di Miembro pa Directora di Fundraising. Anto awe como Presidente, e ta propone pa no solamente lidera, sino pa duna un ehempel tambe na su yiu muher y nos tur pa Step It Up!
Specialmente hunto cu vice- presidente ArtaÏza Fräser, nan ta riba un mission pa sirbi e aña Kiwanistico cu balentia, determinacion y inspira comunidad pa lidera cu ehempel. Imagina si henter comunidad dicidi na dal un paso dilanti, anto hunto? Uni cu nos y sea parti di e impacto.
Directiva nobo 2025–2026 di Kiwanis Club of San Nicolas awor ta consisti di President Deborah van den Berg-Alexander. Vice President ta Artaiza Fräser. Secretario ta Endrah Richardson-Gumbs. Tesorero: Indi Poulina. Presidente Inmediato (IPP): Joanette Vrutaal. Directornan: Netera Brown, Jaritza Correa, Evola Vlaun, Shawn Gordon & Jumira Spier.
