Homenahe militar durante di 250 aniversario di ’Statia Day’

Homenahe militar durante di 250 aniversario di ’Statia Day’

ORANJESTAD (AAN): Riba 16 di november, personal militar di Forsanan Arma Hulandes den Region Caribe a contribui na e celebracionnan di 250 aña di Dia di Statia na Sint Eustatius.

Durante e ceremonia na Fort Oranje, Su Mahestad Rey Willem-Alexander tabata presente, hunto cu representantenan di Hulanda, Merca, y region di Caribe.

Conmemorando e “Prome Saludo”

Riba 16 di november 1776, Gobernador Johannes de Graaff a ordena Fort Oranje pa debolbe un saludo na e barco Mericano Andrew Doria. E momento aki ta conoci como e “Prome Saludo”. E ta wordo considera ampliamente como e prome reconocementp di independencia Mericano door di un funcionario stranhero. Cu esaki Sint Eustatius a ricibi un luga unico den historia di e Revolucion Mericano.

Contribucion Militar Conhunto

Zr. Ms. Pelikaan, Zr. Ms. Friesland, e ‘Compagnie in de West’ y personal militar di Corsou a forma parti di e contribucion militar na e ceremonia. Hunto cu unidadnan Mericano y personal di Forsanan Arma Hulandes den Region Caribe, a structura un homenahe historico tanto for di laman como for di costa.

E barco naval Mericano USS Minneapolis-Saint Paul a eherce 13 disparo di saludo, cu a wordo contesta for di costa cu 11 disparo di saludo di militarnan di Corsou. Despues di e saludo a sigui un avion Mericano HC-130J, cu a bula pasa riba e area. Pa medio di nan colaboracion, 250 aña despues, varios unidad militar a tuma parti na e conmemoracion di e momento historico significante aki.