Ministro Glenbert contestando Gunn di MAS --- ORANJESTAD (AAN): Recientemente Parlamentario Aquanette Gunn di Partido MAS a manda un serie di pregunta na Ministro di Labor, Glenbert Croes.
DIARIO a nota cu Diaranson 12 di Januari 2022, cu Ministro Croes a manda un contesta, y a agrega raport di Departamento di Labor y Investigacion (DAO) riba e cifranan di mercado laboral 2020 cu a ricibi 10 di Januari cu a pasa.
Segun Gunn, por a tuma nota den prensa cu pa fin di luna di november FASE ta yega na su final. Cu e meta ta pa pone tur trahado back na trabao y cu pa loke ta data (informacion di October 2021) ainda tin mas cu 2.000 persona ricibiendo e ayudo FASE. Relaciona cu e informacionnan ey, Parlamentario Gunn a haci e siguiente preguntanan.
Segun Gunn, Minister a indica den un rueda di prensa data 11 di November cu tin mas cu 2.000 persona riba FASE.
(Pregunta 4). Minister por facilita Parlamento e cantidad exacto di e personanan cu lo ricibi FASE na fin di November 2021?
Ministro Glenbert aki a contesta cu pa fin di November 2021 un total di 2.518 persona a ricibi yudansa di FASE. E pago pa cu esaki a worde ehecuta riba 14 di December 2021.
(Pregunta 5). Minister por specifica na Parlamento e categoria di edad di esnan cu ta ricibi FASE?
Ministro Glenbert aki a bisa cu ora Covid-19 a yega e isla, den su funcion como Minister di Labor y Asunto Social, a tuma e iniciativa pa introduci un yudansa pa tur hende cu tabata trahando pero cu a perde entrada of trabao. Nos mercado laboral ta consisti di diferente categoria di edad, cuminsando na e edad di 18 aña te cu pensionadonan cu mester traha pa por cargo cu tur su gastonan.
(Pregunta 6). Minister por informa Parlamento den ki sector e personanan tabata traha prome cu nan a perde trabao?
Aki Ministro a bisa cu tur persona cu a had peticion pa bin na remarca pa FASE, na e momento di registration a pidi informacion solamente riba su ultimo funcion como tambe di su dunado di trabao. Lamentablemente no a pidi pa specifica e sector den cual e persona tabata trahando. Locual cu si nos por deduci ta, cu a base di e funcionnan di esunnan cu a registra pa FASE, cu un grupo grandi ta bini di sector turistico y horeca.
Ta importante pa remarca cu den cuadro di FASE tur hende cu a forma parti di e mercado laboraly por a prueba cu como reslutado di COVID-19 a perde nan entrada/trabao, a worde yuda sin importa di cua sector e personanan aki tabata forma parti di dje.
(Pregunta 7). Minister por informa Parlamento cuanto die mas cu 2.000 persona ta yiunan di tera y cuanto di nan tin un 'tijdelijke verblijfs- en werk vergunning'?
Ministro a contesta cu semper e distribution di e grupo cu ta ricibi FASE tabata: 70% hende local, y 30% cu un 'werk- en verblijfsvergunning'.
(Pregunta 8). Minister a laga e Departamento di Labor efectua un analisis si ta dispone di mas di 2000 cuponan di trabao pa asina e personanan aki por haya trabao y ricibi un entrada na fin di December?
Aki Ministro a contesta, cu mirando cu e proceso pa analisa datos tocante mercado laboral ta tuma tempo, por bisa cu pa aña 2021 e analisis ta den proceso. Pesey Ministro a manda pa Gunn, e rapport arbeidsmarktcijfers 2020 analisa y compila pa DAO ricibi 10 di januari 2022.
(Pregunta 9). Minister por informa Parlamento e categorianan di cuponanan cu Departamento di Labor tin habri?
Ministro a contesta cu loke mas ta worde pidi na Departamento di Progreso Labora (DPL) ta diverso funcionnan den sector turistico y horeca manera waiters,
chef, keukenhelpers, administratieve medewerkers, room attendants, y tambe funcionnan den sector di construccion.
(Pregunta 10). Minister por informa Parlamento si e personanan cu ta riba FASE na e momentonan aki, tin e cualidadnan pa yena e cuponan existente na Departamento di Labor?
Ministro aki a bisa cu mester considera cu tur hende den e grupo di FASEya tabata tin un trabao caba te ora Covid 19 a bati na porta di nos pais riba 13 di maart 2020. Mayoria di e trahadornan aki tabata labora den construccion y sector hotelero. E personanan registra na FASE sigur tin e capacidad pa yena e funcionnan registra na DPL Pero mirando cu e demanda laboral a bira dinamico, Aruba Kier Traha ta ofreciendo recapacitacion mediante diferente cursonan pa yuda un persona yega na un trabao.
(Pregunta 11). Minister por informa Parlamento si lo duna prioridad na yiunan di tera y/of esnan cu nacionalidad hulandes?
Ministro a bisa cu semper ta duna prioridad na yiunan di tera of nacionalidad hulandes. Te ora cu demanda di e mercado laboral indica cu no tin yiu di tera pa ocupa cierto funcionnan, lo permit! un otro nacionalidad ocupa e funcion.
(Pregunta 12). Considerando cu Gabinete Wever Croes II tin e ser humano central, Minister ta di opinion cue decision abrupto aki no ta forma parti die analogia y enivel di prioridad di transparencia pa cu e parti di e comunidad cu ta ricibi FASE?
Ministro a bisa cu for di mita di aña 2021 a anuncia cu FASE lo termina na december 2021 y corectamente e ultimo pago di FASE a tuma luga 14 di December 2021. Cu FASE mester ayega su fm no tabata un sorpresa pa motibo cu semper a bisa cu FASE ta un asistencia financiero temporario di emergencia. Ademas, Aruba ta dependiente di e asistencia financiero di Hulanda y tabatin indicacion di recuperacion di actividad economico door di e aumento di Turismo na Aruba.
