ORANJESTAD (AAN): Cu e intencion pa promove creatividad y involucra nos studiantenan, Gianni’s Group a organisa un competencia di pintura.
Asina e studiantenan a yuda diseña e bus nobo di Gelatissimo, cu e oportunidad pa conoce nos artista Jeon.
Cu participacion di mas cu 10 skol rond Aruba y mas cu mil pintura, a escoge 8 ganador y a invita nan hunto cu nan klas pa un evento special.
E studiantenan a bin goza di un dia yena cu sorpresa na Gianni’s Ristorante Italiano. Cu yen di alegria y curiosidad, nan a bishita e bus, saborea un dushi gelato di gelatissimo, disfruta pizza di Amore Mio y al final baila durante e concierto special di Jeon.
A cera e gran dia aki cu premionan y a reparti certificado pa e studiantenan talentoso.
