ORANJESTAD (AAN): George ta un personahe hopi conoci cu mas di 30 aña di experiencia den media, el a sinti e necesidad mirando cu pueblo su celebracion cultural di mas grandi no ta hopi activo e aña aki.
Pa no laga e temporada bay keto el a acerca DiarioTV pa un programa special di cual e lo tin 30 minuut tur Diamars y Diahuebs pa 9:05 pm cu un invitado special pa papia riba Historia di nos Carnaval.
George tin un amor hopi grandi pa Carnaval, den su trayectoria el a prepara hopi reina, traha hopi discurso y tabata envolvi den diferente organizacion y transmisionnan di Carnaval.
E programa ta cuminsa 1 di Februari y lo tin un duracion di 1 luna, cu 8 programa sumamente interesante.
George ta invita henter e pueblo pa sintonisa e programa special riba television DiarioTV 48, Facebook y riba e web radio www.ambiente297.com
