Fundacion Facilidadnan Deportivo a celebra aniversario di mas di 20 empleado 

ORANJESTAD (AAN):  Fundacion Facilidadnan Deportivo (FFD) manera custumber,

a celebra aniversario di tur nan empleado, como muestra di aprecio y gratitud. Durante pandemia e celebracionnan aki a keda posponi pa motibo di e lista largo di protocol cu nan mester a tene na dje.

E celebracion di FFD a bay den un ambiente espectacular den presencia di coleganan y miembronan di bestuur, na Kibaima Grill.  

Presidente Alonso Tromp a duna di conoce cu ta aprecia y ta sumamente contento cu e dedicacion di su empleadonan. Alabes, señor Tromp a keda asombra cu e lista largo di empleado cumpliendo aniversario. Esaki ta demostra un lealtad cu nos empleadonan tin pa cu e fundacion, Tromp a expresa. 

FFD kier a felicita tur hubilario pa nan dedicacion y compromiso y ta spera cu esaki por ta un estimulo pa demas coleganan.