Filomena College MAVO cu 'Introductiedag'

ORANJESTAD (AAN): Como prome actividad pa aña escolar nobo tur alumno di Filomena College MAVO na San Nicolas a bishita Community Pool.

   DIARIO a compronde cu durante e dia sigur e alumnonan nobo di Ciclo Basico 1 a haya e chens di cera conoci cu e otro alumnonan di scol.  E ta un forma unico pa alumnonan estrecha nan lazo cu otro, pa nan sigui riba e bon rumbo durante henter e aña escolar nobo aki.

   Directorado ta informa tur mayor cu e dia na Community Pool y e prome siman tras di lomba a bay bon. Tambe ta gradici tur mayor cu a deposita e confiansa den nos scol como parti di educacion di cada alumno. 

E potretnan ta pa cortesia di juffrouw Joan Mahendrepersad.