ORANJESTAD (AAN): Tabatin varios persona cu Diabierna anochi a gana cu e sorteo di Zodiac, cu tabatin e number 6666 y signo Leo como resultado final.
Un otro ganador a resulta Everardo, kende a acudi Dialuna na oficina di Lotto na Playa pa reclama su premio. El a mustra nan su ticket, cu mesora a wordo revisa si el a pone su firma banda patras, incluyendo su number di cuenta di banco.
Ora cu a scan e barcode, e computer inmediatamente a indica cu Everardo a gana 25.000 Florin cu e wega di Zodiac.
Mesora a cuminza cu e proceso pa transferi e premio electronicamente pa su cuenta di banco. Everardo a indica cu e ticket ganador el a cumpra na The Lucky Spot na Oranjestad.
