Esnan di Klooster Imeldahof satisfecho cu presencia di publico riba Dia di Rey

ORANJESTAD (AAN): For di mainta trempan caba por a mira movecion rond di e edificio di ‘Klooster Imeldahof’ na Noord,

ta asina cu e hobennan di Pastoral Hubenil Aruba a organiza un fabuloso “FUN walk” saliendo for di Klooster y pasa rond den e bario di Noord pa bolbe back na e mesun edificio.

   Despues a sigui di biaha cu un tremendo ambiente familiar, Fundacion Kapel di Bethania(FKB) hunto cu Pastoral Hubenil Aruba (PHA) a ofrece un evento pa henter famia pa asina celebra e Dia di Rey.  Grandi y chikito a bin pasa un rato dushi, hungando weganan tradicional, pinta cara, decora nan cup cake, pasa den e laberinto, haci un workshop.

   Mientras e mayor a bay na e vlooienmark, of a saboria un dushi snack cu su smoothie y disfruta di entertenimento di diferente artistanan conoci Pa recorda e dia, hopi a tuma e oportunidad di saca un potret na e photo booth special pa Dia di Rey. Durante e feria nos tabata tin honor di a ricibi bishita di Nuncio Apostolico, Su Excelencia, Reverendo Santiago de Wit Guzman, cu a bin special pa sera conoci cu e hobennan di Pastoral Hubenil y di biaha conoce Kapel di Bethania y su historia.

   Fundacion Kapel di Behtania hunto cu e hobennan di Pastoral Hubenil ta masha contento con e dia a bay y pa e hobennan purba nan yega nan meta pa recuada fondo pa nan biahe pa Portugal na juli. Ta di gradici y aplaudi nos comerciantenan pa nan gran ayudo na e ‘Feria Familiar’. Por ehemplo e diferente premionan cu nos a parti pa e participacion na e weganan popular, y otronan cu a haci nan mes disponible pa coopera cu e evento.

  Tambe kier a gradici, Chriss Kross y Susjaira, School di Harpa di meneer Kelkboom, grupo di baile Kids in action, tur pa nan bunita presentacion. Señor Richard Dabian cu a conta Storia pa e mas chikitonan. IBiSA pa a yuda cu coordina e weganan riba veld, DOW, nos Minister di Cultura y naturalmente tur nos boluntario cu a haci un tremendo trabao den preparacion prome, durante y despues di evento.

   Ta pidi pueblo di Aruba keda pendiente via social media y otro medionan di comunicacion pa nos proximo eventonan cu lo bay tuma lugar den e lunanan nos dilanti enconecion cu celebracion di e 65 aniversario di existencia di e edificio ‘Klooster Imeldahof’.