Ehercito Hulandes lo traha un mapa tecnico di St. Maarten y Saba

ORANJESTAD (AAN): For di 1 te cu 22 di April venidero, un Genie-unit di Ehercito Real di Hulanda, den colaboracion estrecho cu specialistanan di Marina Real, lo bay tene ehercicio na St. Maarten y Saba. 

   Esaki den cuadro di traha mapa di e islanan via di reconocimento tencico.

   E training aki a wordo aproba den consulta cu autoridadnan local di e islanan.  E meta militar ta pa entrena e verkennernan di e Genie-unit.  Ademas, di acuerdo cu autoridadnan local y den consonancia cu su deseonan, lo mehora e mapa di e islanan (incluyendo edificionan), pa asina si acaso un desastre natural socede, nan por crea un imagen di e dañonan na un forma mas rapido y eficaz, y di e forma ey asistencia urgente por wordo manda na un forma mas efectivo.

   A compronde cu e exploracionnan lo socede tanto riba tera como bao lama.  Nan lo usa Underwater ROV cu ta un robot cu ta move bao lama.  Nan lo usa Blueye X3 y tambe BlueROV2.